معلومات هامة عن قسم و شعبة أعلام

خاص بطلاب قسم الإعلام وشعبة الاعلام المستجديـــــــن واللى هيقدموا فيه ان شاء الله
--------------------------------------------------------------------------------------------------

بالنسبة للإمتحان التحريري " انا هتكلم على اللي اتطبق علينا في الشعبة " واللى في الغالب بس مش أكيد هيطبق في القسم" وبالتوفيق ان شاء الله..

الامتحان بيكون عبارة عن 7 ورقات "مش تتخضوا اوي كدة :)" بيكونوا عبارة عن أسئلة في المعلومات العامة وف

ي الثقافة " شاملة:

*أسماء رؤساء الدول ورؤساء الوزارات وبالنسبة لمصر ممكن يسأل في كام وزير اعلام كهرباء وخلافه..

*عواصم للبلدان . ودة بيكون مش كتير يعني اتنين تلاتة بالكتير.

*اختصارات المنظمات الدولية وطبيعة نشاطها وعملها .. يعني مثال منظمة الــ UNESCO دي اختصار لــ United Nations Educational, Scientific and Cultural Organization ونشاطها تعمل على تعبئة الحكومات في سبيل .... وتكمل نشاطها.

*اسماء لبعض الجوائز وتكتب بتتسلم في اية وليه يعني مثل نوبل وهكذا..

*اسماء لبعض الكتاب المشاهير وتكتب بعض مؤلفاتهم طه حسين ونجيب وخلافه ومؤلفين اجانب.

*اسماء لبعض الاعمال الفنية افلام مسلسلات مسرحيات ويقولك دي من اخراج مين مثلا وهكذا.

*هيجيبلك موضوعين او تلاته ويقولك اكتب رايك فيهم واذكر اهم التطورات اللى حصلت فيه
يعني مثلا ممكن يجيبلك الثورة واية اللى حصل فيها او اية الاحداث اللى حصلت بعدها استفتاء مجلس شعب شورى دستور وهكذا.

*اختصارات في الكمبيوتر ويقولك دي اختصار لايه مثال CDR اختصار لــ Compact Disc read only و مثلا ICDL وهكذا.

*مصطلحات اعلامية بالعربي والانجليزي information industry صناعة الاعلام وهكذا

*سؤال أذكر ثلاثة برامج حوارية تقوم بمتابعتها وعلى اية قناة
زي مثلا العاشرة مساءا والحقيقة و القاهره اليوم وخلافه

ومعلومات تانية خفيفة بس مش تتخضوا الحاجات بتبقى سهلة بس محتاجة مذاكرة وتركيز شوية ولو انت بتتابع الاخبار او النشرات وكدة هتبقى كويس

-----------------------------------------------------------
اما الامتحان الشفوي فبيكون كالتالي:

اولا بيختلف حسب الدكتور اللى انت داخل عنده بس في الغالب في القسم الجديد رئيس القسم هيكون هو اللى موجود وهيسألك

والاسئلة ممكن تكون:
اشتغلت في الاعلام قبل كدة او اية اهتماماتك في الاعلام
عايز تدخل القسم دة ليه
ناوي تتخصص في ايه صحافة ولا اذاعة ولا تلفزيون
اية الكتاب او المقالات اللى بتقراها او بتحب تقرى لمين
اية الفرق بين الجرائد القومية والمستقلة
وممكن يسألك شوية في المعلومات العامة وطالما انت مذاكر في التحريرى كويس هتبقى تمام فيه
ممكن ياخد رايك في كام موضوع كدة ويشوفك هتتكلم فيه بلباقة وكويس ازاى
وممكن يديلك جرنال ويقولك اقرا منه بالتشكيل زي مذيعين الجزيرة وخلافه "بس مش دايما"

والنصيحة الأخيرة اهم حاجة تخليك هادي وواثق من نفسك ومحدد هدفك ومذاكر كويس وان شاء الله بالتوفيق وربنا يحقق لكل واحد احلامه واهدافه ان شاء الله
ونبقى زمايل :)

وبالمناسبة يعلن قسم الاعلام بكلية الاداب جامعة الاسكندرية قبول اول دفعه من الطلاب الحاصلين على الثانوية العامة لهذا العام وذلك وفقا للشروط التالية:
- مجموع الطالب فى الثانوية العامة.
- مجموع الطالب فى اللغات سواء الانجليزية او الفرنسية او الالمانية.
- اجتياز الطالب للاختبار التحريرى الذى يعقده القسم فى 24/9/2012.
- اختياز الطالب للاختبار الشفوى الذى يعقده القسم فى 26/9/2012.
علما بانه سيتم قبول الطلاب الحاصلين على اعلى الدرجات

عمرو قنديل  - قسم اجتماع - شعبة اعلام - عضو فى اتحاد الطلاب